Qazaqstanda tirkelgen zańdy tulǵalardyń sany 4,4 paıyzǵa artty
ASTANA. QazAqparat - 2015 jylǵy 1 qańtardaǵy jaǵdaı boıynsha Qazaqstanda tirkelgen zańdy tulǵalardyń sany 353 myń 833 birlikti qurady, bul ótken jylǵy sáıkes kezeńmen salystyrǵanda 4,4 paıyzǵa artyq. Sonyń ishinde 50 adamnan kem qyzmetkerleri bar zańdy tulǵalar sany 336 myń 422 birlik bolsa, jumys istep turǵan zańdy tulǵalardyń sany 197 myń 829-ny qurady. Bul týraly Ulttyq ekonomıka mınıstrliginiń baspasóz qyzmetinen habarlandy.
Mınıstrlik málimetterine qaraǵanda, 2014 jylǵy qańtar-jeltoqsanda kóterme saýda kólemi 16 trln. 358,4 mlrd. teńgeni qurap, 2013 jylǵy qańtar-jeltoqsanmen salystyrǵanda 7,7 paıyzǵa artty. Sonymen qatar, 2014 jylǵy qańtar-jeltoqsanda tamaq ónimderi men sýsyndardy usyný boıynsha qyzmetterdiń kólemi 256,8 mlrd. teńgeni quraǵan. Sondaı-aq, 2014 jylǵy qańtar-qarashada syrtqy saýda aınalymy 110 mlrd 588,6 mln. AQSh dollaryn qurap, 2013 jylǵy kańtar-qarashamen salystyrǵanda 9,9 paıyzǵa tómendedi. Onyń ishinde eksport - 73269 mln. AQSh dollaryn (6,7 paıyzǵa az), ımport - 37319,6 mln. AQSh dollaryn qurady (15,6 paıyzǵa az).
Budan bólek, tutyný baǵasynyń ındeksi 2014 jylǵy jeltoqsanda 2013 jylǵy jeltoqsanmen salystyrǵanda 107,4 paıyzdy qurady. Azyq-túlik taýarlaryna baǵalar - 8 paıyz, azyq-túlik emes taýarlarǵa - 7,8 paıyz, halyqqa arnalǵan aqyly qyzmetterge - 6,4 paıyzǵa ósti. Ónerkásip ónimderine óndirýshi kásiporyndar baǵasy 2014 jylǵy jeltoqsanda 2013 jylǵy jeltoqsanmen salystyrǵanda - 1,6 paıyzǵa tómendedi.
