Qazaqstanda tirkelgen kólik sany 1 jylda 12,3 paıyzǵa artty
NUR-SULTAN. QazAqparat – 2019 jylǵy qańtar-jeltoqsan aılarynda elimizde 871 078 jeńil avtomobıl tirkeldi. Bul jaıynda QR UEM Statıstıka komıtetinen málim etti, dep habarlaıdy QazAqparat tilshisi.
Vedomstvo málimetinshe, 2019 jylǵy qańtar-jeltoqsanda Qazaqstanda 871 078 jeńil avtomobıl tirkeldi. Bul 2018 jyldyń 12 aıyndaǵy kórsetkishpen salystyrǵanda 12,3 paıyzǵa kóp. 2020 jylǵy 1 qańtardaǵy jaǵdaı boıynsha Qazaqstanda tirkelgen jeńil avtomobılderdiń sany 3 776,9 myńdy qurady.
Ótken jyldyń qańtar-jeltoqsanda 24585 adam zardap shekken 16614 jol-kólik oqıǵasy tirkeldi. 2018 jyldyń tıisti kezeńimen salystyrǵanda kólik apaty 5 paıyzǵa artyp otyr.
2020 jylǵy 1 qańtardaǵy jaǵdaı boıynsha saqtandyrý uıymdarymen kólik quraldary ıeleriniń azamattyq-quqyqtyq jaýapkershilikti mindetti saqtandyrý boıynsha 29,7 mlrd teńge somasyna 74914 saqtandyrý tólemi júzege asyryldy.
