Qazaqstanda tilge jáne ultaralyq qatynasqa qatysty másele joq – ıÝrıı Lı

NUR-SULTAN. QazAqparat – Qazaqstanda til máselesi, ulttyq másele múldem kóterilip otyrǵan joq. Mundaı pikirdi Qazaqstan Konstıtýtsııasy kúnine arnalǵan «Táýelsizdiktiń 30 jyldyǵy – birliktiń, beıbitshilik pen kelisimniń 30 jyldyǵy» taqyrybynda ótken dóńgelek ústel barysynda Májilis depýtaty ıÝrıı Lı bildirdi, dep habarlaıdy QazAqparat tilshisi.

Onyń atap ótýinshe, Qazaqstanda ultyna qaramastan kez kelgen adamnyń bızneste de, memlekettik qyzmette de ilgerileýine múmkindi berilgen. Elimizde barlyq derlik etnostardyń ókilderi memlekettik bıliktiń túrli deńgeıńinde eńbek etip, túrli memlekettik tapsyrmalardy sheshýge qatysyp keledi. Buǵan qosa, memlekettik tilmen qatar orys tili de barlyq jerde qoldanylady.

«Bul biz kórip otyrǵan fakti», - dep atap ótedi Májilis depýtaty.

Sonymen qatar ol elimizdiń Konstıtýtsııasymen qazaqstandyq etnostardyń tilin, mádenıeti men dástúrin damytýǵa barlyq jaǵdaı qarastyrylǵandyǵyna keńinen toqtaldy. Tiline, jynysyna, násiline jáne basqa da belgilerine baılanysty kez kelgen kemsitýshilikke tyıym salynǵandyǵyna nazar aýdartty. Elimizdiń bilim berý standarttary barlyq etnosqa ózderiniń mádenı-tildik qajettiligin qanaǵattandyrýǵa múmkindik beretindigin basa aıtty.

«Til máselesi, ulttyq másele múldem kóterilip otyrǵan joq», - dedi ıÝrıı Lı.

Aıta keteıik, is-sharaǵa Májilis depýtattary, Qazaqstan halqy Assambleıasy saraptamalyq keńesiniń músheleri, zııaly qaýym men etnomádenı birlestikterdiń ókilderi qatysty. Olar azamattardyń quqyqtary men bostandyqtary, Ata zańnyń normalarymen bekitilgen teńdik, birlik, zań ústemdigi qaǵıdattary týraly máselelerdi qozǵady. Qazaqstannyń Táýelsizdik jyldaryndaǵy eldegi etnosaralyq, qoǵamdyq kelisim men jalpyulttyq birlikti qamtamasyz etýsalasyndaǵy mańyzdy jetistikteri talqylandy.