Qazaqstanda tikushaq kómegimen 23 esirtki alqaby anyqtaldy
Polıtsııa qyzmetkerleri «Kóknár» operatsııasy barysynda 3 aıdyń ishinde 16,7 tonna esirtki tárkiledi. Sondaı-aq, tártip saqshylary tikushaq kómegimen zańsyz «úndistan kóknári» ósirilgen 23 plantatsııany tapty.
«Jyl saıyn maýsym men qazan aralyǵynda elimizde «Kóknar» operatsııasy júrgiziledi. Esirtki satýshylardy ustaý úshin narkoaktıvti aýdandardaǵy (Jambyl jáne Qyzylorda oblystary) polıtseılerge ózge óńirlerden áriptesteri men tehnıkalyq quraldar kómekke kelýde. Sondaı-aq, Qyzylorda oblysynda úndi kóknári egilgen alqaptardy anyqtaý úshin Ulttyq gvardııa jáne «Suńqar» arnaıy jasaq qyzmetkerleri áýe tehnıkasynyń kómegimen qashyqta ornalasqan jerler áýeden baqylaıdy», delingen habarlamada.
Osyndaı tásil oń nátıje berýde. Jedel aldyn alý sharalary bastalǵaly 16 tonna eskirtki tárkilendi. Onyń 8,7 kelisi – geroın, 4 tonnasy – marıhýana, 198 kelisi – nasha. Al kóknár egilgen jerlerden 10 tonna esirtki ósimdiginiń kózi joıyldy.