Qazaqstanda TikTok, Instagram jáne Facebook jelilerinde aqaý boldy

ASTANA. KAZINFORM — Búgin qazaqstandyq paıdalanýshylar Facebook, Instagram jáne TikTok sııaqty birqatar tanymal áleýmettik jelilerdiń jumysynda aqaý tirkeldi, dep jazdy Kazinform agenttiginiń menshikti tilshisi.

Kúni boıy atalǵan servısterdiń jumysynda úzilister baıqaldy — better múlde júktelmeıdi nemese VPN qoldanbasa, óte baıaý jumys istedi.

DownDetector monıtorıng qyzmetiniń málimetinshe, qazirgi tańda bul aqaýlar kóbine Qazaqstan aýmaǵynda tirkelip otyr.

Facebook boıynsha:

– Qazaqstan – 30%,

– Portýgalııa – 30%,

– Armenııa – 30%.

TikTok boıynsha:

– Qazaqstan – 40%,

– Sahalın oblysy – 14%,

– Kırov oblysy – 11%.

Instagram boıynsha:

– Qazaqstan – 47%,

– Polsha – 7%,

– Sankt-Peterbýrg – 5%.

Beeline kompanııasy mobıldi trafık kóleminiń azaıǵanyn rastady. Alaıda operatorlar ózderiniń tehnıkalyq jabdyqtary shtattyq rejımde jumys istep turǵanyn atap ótti. Qazirgi ýaqytta aqaýdyń sebepterin anyqtaý boıynsha seriktestermen jáne Memlekettik tehnıkalyq qyzmetpen birlesip jumys júrgizilip jatyr.

Al «Qazaqtelekom» óz tarapynan jeliler jumysynda eshqandaı aqaýlar tirkelmegenin habarlady.

Baılanys operatorlary jaǵdaıdy baqylaýda ustap otyrǵanyn málimdedi.

Aıta keteıik, 24 mamyr kúni AQSh-ta 25,8 myń paıdalanýshy X (burynǵy Twitter) jelisiniń jumysynda aqaýlar týraly shaǵymdanǵan bolatyn. Mundaı qıyndyqtar Ulybrıtanııada, Frantsııada, Japonııada jáne basqa elderde de tirkelgen.

Buǵan deıin habarlanǵandaı, Vetnam úkimeti Telegram-dy buǵattaý týraly sheshim qabyldady.