Qazaqstanda tıimdi taýar ótkizý júıesi qurylady
«Taýarlardy saqtaý men tutynýshylarǵa jetkizýdiń zamanaýı ınfraqurylymyn qurý qajet. Mysaly, kókónister Kókshetaý qalasyndaǵy bazarǵa jetkizilgen kezde óndirýshiden tutynýshyǵa deıingi jolda 3 ese qymbattaıdy. Deldaldar da, bólshek satýshylar da 87 paıyzǵa deıin joǵary ústeme baǵa ornatady. Al saqtaý men tehnologııalyq shyǵyndardy eskere otyryp, baǵa taǵy 52 paıyzǵa ósedi», - dedi Baqyt Sultanov.
Onyń aıtýynsha, taýarlardy saqtaý men tutynýshylarǵa jetkizýdiń zamanaýı ınfraqurylymyn qurý tıimsiz deldaldar jelisinen aryltady jáne qosylǵan qunnyń barlyq tizbegi boıynsha marjınaldyqtyń ashyq deńgeıin belgileýge múmkindik beredi. Tıimsiz deldaldardy boldyrmaıtyn otandyq taýar óndirýshiler úshin ónimdi tikeleı ótkizý arnasy paıda bolady. Ónimdi saqtaý jáne tıimdi bólý úshin qajetti jaǵdaılar jasalady.
« Mınıstrlik memlekettik organdarmen jáne damý ınstıtýttarymen birlesip Qazaqstanda tıimdi taýar ótkizý júıesin qurý boıynsha jumys júrgizýde. Bıylǵy 15 qańtarda Premer-Mınıstr janynan jańa jobalyq ofıs quryldy. Ol apta saıyn múddeli memlekettik organdar men Azııa damý bankiniń qatysýymen otyrystar ótkizýdi bastady. Bul banktiń basqa elderde taýar ótkizý júıesin qurý tájirıbesi mol. Qazirgi ýaqytta bank Ózbekstan men Qyrǵyzstandaǵy tıisti jobalardy iske asyrýda», - dedi mınıstr.
