Qazaqstanda tergeýde bolýyna baılanysty 166 bala mektepke barmaıdy - QR Bilim jáne ǵylym mınıstrligi

ASTANA. 31 qazan. QazAqparat - Oqý jylynyń basynan beri 10 jáne odan da kóp kún boıy sebepsiz mektepke barmaı júrgen 258 bala anyqtaldy, olardyń 166-y tergeýde bolsa, 47-i izdeýge jarııalanǵan.

Bul týraly búgin QR Parlament Májilisiniń depýtaty Irına Aronovanyń tóraǵalyǵymen ótken «Nur Otan» HDP saılaýaldy tuǵyrnamasynyń «Halyqtyń áleýmettik áljýaz bóligin qoldaý» baǵyty boıynsha ótken sarapshylar tobynyń otyrysynda QR BǴM mektepke deıingi jáne orta bilim berý departamentiniń basshysy Baǵymkúl Kóptileýova aıtty.

«Oblystardyń, Astana jáne Almaty qalalary bilim basqarmalarynyń bergen málimetterine qaraǵanda, aǵymdaǵy jyldyń 15 qazanyndaǵy jaǵdaı boıynsha jyldyń basynan beri 10 jáne odan da kóp kún boıy sebepsiz mektepke barmaı júrgen 258 bala anyqtaldy. Olardyń 92-si mektepke qaıtaryldy, 166-y tergeýde bolǵanyna baılanysty mektepke barmaı júr, 47-i izdeýge jarııalanǵan. Al 50 oqýshy oqýǵa degen yntasynyń bolmaýyna baılanysty bilim ordasyna barmaı otyr», - dedi Bilim jáne ǵylym mınıstrliginiń ókili.

B. Kóptileýova málim etkendeı, aǵymdaǵy jyldyń 1-30 qyrkúıek aralyǵynda «Mektepke jol» jáne «Qamqorlyq» aktsııalarynyń barysynda 1 mln.-nan astam páter tekserildi.