Qazaqstanda tergeý sýdıasynyń ókilettigi keńeıtilmek
«Zań jobasy úsh kodekske ózgerister engizedi, ıaǵnı Qylmystyq, Qylmystyq-protsestik jáne Ákimshilik quqyq buzýshylyq týraly kodekster men birqatar zańdardy qamtıdy. Qujattyń negizgi baǵyttaryna toqtalatyn bolsaq, tergeý sýdıasynyń kúzetpen ustaýǵa sanktsııa berý kezindegi ókilettigi keńeıtilip otyr. Qoldanystaǵy normalar boıynsha tergeý sýdıasy adamdarǵa bultartpaý sharasyn qoldanýdyń maqsattylyǵyn tek zertteýmen aınalysatyn. Endi oǵan kúdikti bir mezgilde tekserý men negizdiligin qaraýǵa mindetteý usynylady, ıaǵnı negizgi kúdikti qarastyrýdaǵy aıǵaqtardyń dáleldigin qadaǵalaý eskerilgen. Bul túzetý protsestiń osy kezeńinde azamattar úshin kepildik berýdi aıtarlyqtaı kúsheıtedi»,-dedi Merkel «Qazaqstan Respýblıkasynyń keıbir zańnamalyq aktilerine quqyq qorǵaý júıesin jetildirý máseleleri boıynsha ózgerister men tolyqtyrýlar engizý týraly» zań jobasyn tanystyrý barysynda.
Onyń sózine qaraǵanda, sonymen qatar zań jobasynda jeńildetilgen bultartpaý sharalaryn taǵaıyndaýda tergeý sýdıasynyń quqyqtaryn keńeıtý usynylyp otyr. Bul turǵyda eshqaıda ketpeý týraly tilhat, jeke kepilgerlik jáne basqa da sharalar qamtylǵan.
