Qazaqstanda teńiz ónimderiniń baǵasy qansha
ASTANA. KAZINFORM — Elimizdegi qalalarda teńiz ónimderiniń baǵasy ártúrli. Kazinform tilshisi asshaıan, mıdııa men shaıannyń baǵasyn salystyrdy.
Qazaqstan qalalarynda asshaıannyń kelisi 5 000 teńgeden bastap 16 000 teńgege deıin jetti. Eń joǵary baǵa Shymkentte tirkeldi. Munda kelisi — 16 000 teńge. Al eń tómen baǵa Almaty, Aqtaý men Qostanaı qalalarynda tirkeldi. Asshaıannyń kelisi — 5 000 teńge.
Astana qalasynda asshaıan baǵasy — 14 000 teńge, Pavlodarda — 15 000 teńge, Qaraǵandyda — 13 000 teńge, Jezqazǵanda — 14 000 teńge, Taldyqorǵanda — 13 735 teńge. Al Aqtóbe men Petropavl qalalarynda kelisi — 12 000 teńge, Túrkistanda — 11 000 teńge.
Semeıde asshaıannyń kelisi — 9 000 teńge, Óskemende — 8 500 teńge, Kókshetaý men Tarazda — 8 000 teńge, Oralda — 7 550 teńge. Atyraý, Qyzylorda men Qonaev qalalarynda kelisi — 6 000 teńge.
Mıdııa baǵasy elimizdiń qalalarynda shamamen 1 500 — 7 000 teńge aralyǵynda. Eń tómen baǵa Qostanaı qalasynda 1 5000 teńge bolsa, eń joǵarysy Pavlodar qalasynda. Munda kelisi — 7 000 teńge.
Shymkent qalasynda mıdııanyń kelisi — 6 500 teńge, Astana men Aqtaýda — 6 000 teńge. Semeılikter mıdııa kelisin 5 500 teńgege satyp alady. Aqtóbe, Oral, Óskemen men Qonaevta kelisi 5 000 teńgeden bastalady.
Jezqazǵan qalasynda mıdııa kelisi — 4 500 teńge, Taldyqorǵanda — 4 230 teńge, Almaty men Kókshetaýda — 4 000 teńge. Tarazda kelisi — 3 700 teńge, Qyzylordada — 3 600 teńge, Qaraǵandyda — 3 300 teńge, Túrkistanda — 3 000 teńge. Atyraý qalasynda kelisi 2 500 teńge bolsa, Petropavlda — 2 140 teńge.
Qazaqstan qalalarynda shaıannyń kelisi 5 000 — 16 500 teńge aralyǵynda. Eń joǵary baǵa Astana qalasynda tirkeldi. Kelisi — 16 500 teńge. Eń tómen baǵa Qyzylordada. Kelisi — 5 000 teńge.
Pavlodar men Kókshetaýda shaıannyń kelisi — 13 000 teńge, Semeıde — 11 500 teńge, Aqtóbe men Óskemende — 11 teńge. Taldyqorǵan qalasynda kelisi — 10 500 teńge, Tarazda — 10 000 teńge, Petropavlda — 9 000 teńge.
Shymkent pen Jezqazǵanda shaıannyń kelisi — 8 500 teńge, Oral men Qonaevta — 8 000 teńge. Almaty, Aqtaý, Qostanaı, Qaraǵandy men Túrkistanda kelisi — 7 000 teńge. Al Atyraý qalasynda shaıannyń kelisi — 5 500 teńge. Demek teńiz ónimderiniń ishinde eń arzany mıdııa. Qostanaıda kelisi 1 500 teńge. Eń qymbaty shaıan. Astanada kelisi 16 500 teńge. Asshaıan Shymkent qalasynda qymbat. Kelisi 16 000 teńge.
Aıta keteıik, buǵan deıin bir asym et baǵasy jazyldy.
