Qazaqstanda tennıstiń damýy tıisti deńgeıde - Rafael Nadal (FOTO)
ASTANA. QazAqparat - Qazaqstanda tennısti damytýǵa negizdelgen jumystar joǵary deńgeıde uıymdastyrylǵan. Bul týraly búgin Astanada ótken baspasóz máslıhatynda Rafael Nadal málim etti.
«Qazaqstanǵa saparymdy aıryqsha múmkindik dep oılaımyn. Osyǵan deıin Qazaqstan jaıynda kóp estigen bolatynmyn. Keshe Astananyń jańa ortalyǵymen tanysyp, qalanyń damý qarqynyna tańdanyp otyrmyn. Sonymen qatar Qazaqstanda tennıstiń damýy tıisti deńgeıde ekenin baıqadym. Keshe tennıs ortalyǵynda bolǵanymda ondaǵy múmkindiktermen tanystym. Osy oraıda álemdegi kóptegen klýbtar sizderdegi sekildi múmkindikterge qol jetkizýge nıetti», -dedi R. Nadal.
Onyń paıymynsha, Qazaqstanda tennısti damytýǵa negizdelgen jumystar joǵary deńgeıde uıymdastyrylǵan.
«Qarsylas retinde shyǵyp otyrǵan Jo-Vılfrıd Tsongomen tartysqa túsý men úshin qýanysh. Sebebi, ol álemdegi eń úzdik oıynshylardyń biri. Búgin keshqurym ótetin kezdesýde biz jastar arasynda tennıske degen qyzyǵýshylyqty arttyrýǵa óz septigimizdi tıgizemiz degen oıdamyn»,-dedi R. Nadal.
Aıta keteıik, búgin Ulttyq tennıs ortalyǵynda álemdik tennıste tanymal oıynshylarynyń biri, Úlken Shlem oıyndarynyń jeke toptyq kezeńderiniń 14 dúrkin jeńimpazy, Olımpıada chempıony Rafael Nadaldiń qatysýymen match ótedi. Osy joldastyq kezdesýde oǵan qarsylas retinde álemniń eń myqty TOP-10-dyǵyna kiretin Jo-Vılfrıda Tsonga shyǵady.
