Qazaqstanda Teńizdegi munaı-gaz operatsııalaryn damytý jónindegi úılestirý keńesi quryldy - «KAZENERGY»
Maýsymnyń 2-sinde Almatyda «KAZENERGY» Keńesiniń májilisinde osyndaı sheshim qabyldandy.
Jańa Úılestirý keńesine «Nort Kaspıan Opereıtıng Kompanı» kompanııasynyń bas dırektory Per Offan jetekshilik etedi, al «QazMunaıGaz» bas dırektory Ermek Marabaev Keńestiń teń tóraǵasy boldy.
QR Prezıdenti janyndaǵy Sheteldik ınvestorlar keńesiniń otyrysy qarsańynda ótken «KAZENERGY» Keńesiniń májilisine qatysýshylar kadrlyq saıasat máselelerine erekshe nazar aýdardy. Bul taqyryp boıynsha «Teńizshevroıl», «Total», «Shell» halyqaralyq kompanııalarynyń ókilderi sóz sóıledi.
«KAZENERGY» Qaýymdastyǵynyń tóraǵasy Tımýr Qulybaevtyń aıtýynsha, Úılestirý keńesin qurý - ýaqytynda jasalyp otyrǵan mańyzdy qadam, sebebi el Úkimeti men jurtshylyq Kaspıı qaırańyndaǵy jobalardyń júzege asyrylýyna jiti nazar aýdaratyn bolady.
Sondaı-aq, munaı-gaz keshenine toqtalǵan T.Qulybaev, barlyq iri munaı-gaz keshenderin ınnovatsııalar nysandary retinde qarastyrýǵa bolatynyn, sebebi kúkirtti quramy joǵary, qysymy joǵary ol keshenderde jańashyl tehnologııalar paıdalanylyp jatqanyn atap kórsetti.
