Qazaqstanda teńiz júk tasymalynyń kólemi ósti

ASTANA. QazAqparat - Ulttyq statıstıka bıýrosy Qazaqstanda teńiz júk tasymalynyń kólemi óskenin málimdedi, dep habarlaıdy QazAqparat.

2022 jyly teńiz kóligimen tasymaldanǵan júk kólemi 1,1 mln tonnadan asqan. Osylaısha ótken jyly teńiz kóligimen 1 193,7 myń tonna tasymaldandy, bul 2021 jylmen salystyrǵanda 46,8% artyq.

«Teńiz tasymalynyń júk aınalymy 2022 jyly 681,9 mln tkm qurady, bul aldyńǵy jylmen salystyrǵanda 23,3% artyq. Ótken jyly teńiz kóligimen 89,2 myń adam tasymaldandy», - dep jazdy vedomstvodan.

Eske sala keteıik, Qazaqstanda 2022 jyly 282 teńiz kemesi tirkelgen. Olardyń ishinde barjalar, munaı quıý kemeleri, qurǵaq júk tasymaldaý, qamtamasyz etý kemeleri jáne t.b. bar. Paıdalaný merzimi boıynsha kemelerdiń 23% shyqqan jyly 25 jyldan asqan, 22% 16-dan 20 jylǵa deıin, taǵy 26,6% 11-den 15 jylǵa deıin, teńiz kóliginiń 9,9% shyqqan jyly 5 jyldan az.