Qazaqstanda teńiz kóligi salasyndaǵy birqatar memlekettik qyzmetti alý jeńildetiledi

ASTANA. QazAqparat - QR IDM Kólik komıtetinde saýda maqsatynda teńizde júzý salasynda memlekettik qyzmetterdi kórsetý protsesterin ońtaılandyrý jóninde qabyldanyp jatqan sharalar týraly aıtyldy, dep habarlaıdy QazAqparat mınıstrliktiń baspasóz qyzmetine silteme jasap.

«30 kúnnen 13 kúnge deıin teńizshi jeke kýáligin berý tapsyrysyn qarastyrý merzimi qysqardy. Sonymen qatar qyzmetti alýshyǵa turaqty/ýaqytsha turǵylyqty ornyn tirkeý týraly anyqtamany berý talaby alynyp tastaldy», - delingen habarlamada.

Buıryqtyń jobasy QR Ulttyq qaýipsizdik komıtetimen, QR Aqparat jáne kommýnıkatsııa mınıstrligimen, QR  Ulttyq kásipkerler palatasymen kelisilgen.

Budan bólek, «Shet memlekettiń týyn kóterip júzetin kemelerdiń kabotajdy júzege asyrýyna ruqsat alý» qyzmeti tolyǵymen avtomattandyrylǵan. Ol endi onlaın túrde «E-Lıtsenzııalaý» portaly arqyly kórsetiledi. Qajet qujattar tizimin jáne qyzmetti kórsetý merzimin 20 kúntizbelik kúnnen 9 jumys kúnine deıin qysqartý kózdelip otyr.

«Keme (jasalyp jatqan keme) ıpotekasyn memlekettik tirkeý memlekettik qyzmetin ońtaılandyrý boıynsha jol kartasy bekitildi. Qyzmetti avtomattandyryp, al qajet qujattar tizimin qysqartyp, ony osyndaı kólik salasyndaǵy qyzmettermen qosý josparlanyp otyr», - delingen habarlamada.

Aıta keterligi, búgingi tańda Azamattarǵa arnalǵan úkimet memlekettik korporatsııasy kórsetetin memlekettik qyzmetterdi irikteý boıynsha vedomstvoaralyq komıssııa otyrysynyń hattamasyna sáıkes teńiz, ózen jáne shaǵyn kólemdi kemelerdi tirkeýdi memlekettik qyzmettermen qosý jáne ońtaılandyrý máselesin sheshý kózdelip otyr.