Qazaqstanda teńiz kemeleri ekıpajynyń quramyna qoıylatyn talaptar ózgerdi
ASTANA. QazAqparat - Qazaqstanda teńiz kemeleri ekıpajynyń mınımaldy quramyna qoıylatyn jańa talaptar 2018 jyldyń 20 shildede kúshine enedi. Ekıpaj músheleriniń sany men biliktiligi týraly norma basty ózgertý bolyp tabylady. Bul týraly QR Investıtsııalar jáne damý mınıstrliginen málim etti, dep habarlaıdy QazAqparat.
Eger budan buryn ekıpajdy qalyptastyrýda kemeniń ólshemi ǵana eskerilse, endi qozǵaltqyshtyń qýaty da nazarǵa alynady. Nátıjesinde ekıpaj músheleriniń sany 1-2 adamǵa ózgeredi.
«Sonymen birge ekıpajdyń mınımaldy quramynyń múshesi obektıvti sebeptermen reısti jasaı almaǵan jaǵdaıda keme ıesi men Porttyń teńiz ákimshiligi arasyndaǵy ózara árekettesýiniń tártibi belgilengen. Odan basqa jańa erejelerde ekıpaj tarapynan jasalǵan buzýshylyqtar tizimi jáne soǵan qoldanylatyn sanktsııalar belgilengen. Ózgertýler teńiz kóligi salasynda QR quqyqtyq bazasyn halyqaralyq standarttarǵa sáıkestendirýge baǵyttalǵanyn atap aıtqan jón», - delingen mınıstrlik aqparatynda.
