Qazaqstanda temirjol tarıfteri kórshi elderge qaraǵanda 2 ese tómen – Roman Sklıar
Ónerkásip – Qazaqstan ekonomıkasynyń basym baǵyty, onyń damýyna kólik yqpal etedi. Qyzmet kórsetý rólin atqara otyryp, logıstıka júıesine kiretin temirjoldar el ekonomıkasyna jumys isteıdi. Bul týraly birinshi vıtse-premer Roman Sklıar Primeminister.kz saıtyna bergen suhbatynda aıtty.
«Qazir bizde ártúrli ónim túrlerine tarıfterdiń 11 túri bar, atap aıtsaq: áleýmettik mańyzy bar taýarlar, kómir tasymaldaý, astyq tasymaldaý jáne basqalary. Bizdiń tarıfter kórshi memleketterge qaraǵanda shamamen 2 ese tómen ekenin aıta ketken jón», — dedi Roman Sklıar.
Birinshi vıtse-premer «Qazaqstan temir joly» kásipornynan artyq tabys alý kútilip otyrmaǵanyn jáne memleket óz tarapynan «uzaq merzimge nesıeler», tikeleı bıýdjettik qarjylandyrý, jeke salymdar arqyly temirjol ınfraqurylymyn ınvestıtsııamen qamtamasyz etetinin málimdedi. Degenmen, temirjoldar ózin-ózi qamtamasyz etýi kerek jáne bul teńgerimdi saqtaý mańyzdy.
