Qazaqstanda temirjol kóligimen tasymaldanatyn shıkizattyq emes eksport kólemi artty

ASTANA. KAZINFORM – Bıylǵy birinshi jartyjyldyqta temirjol kóligimen tasymaldanatyn shıkizattyq emes eksport kólemi ulǵaıdy.

Kólik mınıstrliginiń málimetinshe, alty aıda shıkizattyq emes júk eksportynyń kólemi shamamen 10 mln tonna boldy. Bul 2023 jyldyń sáıkes kezeńimen salystyrǵanda 7% artyq. Atap aıtqanda, hımııalyq jáne mıneraldy tyńaıtqyshtar 11% - ǵa, tústi metaldar 9% - ǵa, qara metaldar 15% - ǵa jáne basqalar 11% - ǵa (bıdaı uny, tuz, ósimdik maıy jáne t.b) artty.

Sonymen qatar Qytaı Halyq Respýblıkasy baǵytynda jalpy eksport belsendi túrde artyp keledi. Máselen, bıylǵy jarty jyldyń ishinde ósim 19% nemese 6,8 mln tonnaǵa jetken. 

Aıta ketý kerek, memlekettik organdar deńgeıinde arnaıy shtabtar qurylyp, jumys isteıdi. Shtabtardyń otyrysy apta saıyn ótkiziledi. Onda barlyq másele jedel qaralyp, sheshimin tabady.