Qazaqstanda temirjol vokzaldary karantın kezinde qalaı jumys isteıdi
«Qazaqstan temir joly» 1 maýsymnan bastap jolaýshylar poıyzynyń qozǵalysyn bastaıdy. Búgin jol júrý bıletteri satylymǵa shyqty. Kóliktegi bas sanıtar dáriger temirjol vokzaldarynda karantın sharalaryn saqtaý týraly qaýly shyǵardy. Atap aıtqanda, vokzalǵa maskasy bar adamdar ǵana kirgiziledi. Kireberiste olardyń dene qyzýy ólshenedi», - dedi «QTJ» UK» AQ vokzal sharýashylyǵyn damytý jáne paıdalaný boıynsha atqarýshy dırektory tilshilerge bergen suhbatynda.
Vokzal ǵımaratyna jol júrý bıleti bar adamdar ǵana kirgiziledi jáne olardyń arasynda 1 metr araqashyqtyq saqtalýy tıis. Tıisti belgiler oryndyqtarda, kassalar men anyqtama bıýrosynda kórsetilgen.
«Karantın sharalaryn saqtaý týraly málimdemeler daýys zoraıtqyshpen habarlanady jáne onlaın beınerolıkter kórsetiledi. Sonymen birge, jeldetý júıesine de arnaıy talaptar qoıylady. Qazirgi ýaqytta barlyq jeldetý júıesin tekserý bastaldy. Mamyrdyń 20-25 aralyǵynda tekserý aıaqtalady. Barlyq ǵımaratta terezeler ashylyp, jeldetý júrgizilýi tıis», - dedi spıker.
Ázirge kassalar jumysy tańǵy saǵat 9:00-den keshki 18:00-ge deıin belgilengen. Vokzaldarda 3-6 tereze jumys istep tur.
«Jolaýshylar aǵynyna qaraı kassa sany da rettelip otyrady. Vokzal qyzmetkerleri de medıtsınalyq tekserýden ótip, maskamen jáne dezınfektsııalyq quraldarmen qamtamasyz etiledi. QR barlyq vokzalynda 1,5 aıǵa jetetin jeke qorǵanys quraldary bar. Vokzal ishindegi saýda núkteleri memlekettik komıssııanyń sheshimimen ashylady», - dedi Juban Kórpebaev.
