Qazaqstanda temirjol tasymaly tolyq qalpyna keltirildi
NUR-SULTAN. QazAqparat – 7 qańtardaǵy jaǵdaı boıynsha, «QTJ» UK» AQ jelisi boıynsha jolaýshylar jáne júk poıyzdarynyń qozǵalysy tolyq qalpyna keltirildi, dep habarlaıdy QazAqparat tilshisi.
«Buǵan deıin jabyq bolǵan Maqat, Aral teńiz, Beıneý, Mańǵystaý, Sekseýil stansalarynan jolaýshylar poıyzy ótip jatyr. Ereýilshilerdiń áreketi saldarynan jabylǵan barlyq stansalar ashyldy. Qazirgi ýaqytta turyp qalǵan barlyq poıyzdar belgilengen baǵyttaǵy stansalaryna bara jatyr. Toqtatylǵan 25 jolaýshylar poıyzy saǵat 14:00-den bastap kestege sáıkes qalpyna keltiriledi. Alaıda, buǵan deıini poıyzdardyń kidirýin esepke alǵanda, keıbir poıyzdar keshigip jetedi», - dedi kompanııanyń baspasóz qyzmetinen.
Buǵan deıin toqtatylǵan 129 júk poıyzynyń 75 quramy ýaqytsha júrmeı tur. «QTJ» UK» AQ ınternet pen bank operatsııalary qalpyna kelgenge deıin kásiporyndar men kólik kompanııalary úshin tólem merzimin keshiktirýge ruqsat etti. Ulttyq kompanııa TJ rejımi kezinde aıyppul sanktsııalaryn salmaıdy.
Qazirgi shekteýlerge sáıkes, «QTJ» UK» AQ jolǵa shyǵatyn jolaýshylardyń vokzalǵa erte kelýin, al saparlap kelgen jolaýshylardyń jol júrý bıletin saqtaýyn suraıdy.
Sondaı-aq, kompanııadan TJ kezinde kez kelgen baǵytqa jol júrýden bas tartqan jaǵdaıda «Jolaýshylar tasymaly» AQ bılettiń tolyq qunyn qaıtaratynyn habarlady. Jolaýshylar aqsha alý úshin 6 aıdyń ishinde bılet kassalaryna bara alady.
