Qazaqstanda temirjol kóligimen saparlaýdy qalaıtyndardyń sany 1,5 mln.-ǵa artty

ASTANA. 11 qyrkúıek. QazAqparat - Qazaqstanda jyl basynan beri temirjol kóliginiń qyzmetin 14 mln. 634 myń 395 adam paıdalandy.

Bul týraly «Qazaqstan temir joly» UK» AQ-nyń enshiles kompanııasy «Jolaýshylar tasymaly» AQ-dan habarlady.

Salystyrmaly túrde alǵanda, temirjol kóligimen 2011 jyldyń sáıkes kezeńinde 13 mln. 78  myń 439 jolaýshy saparlaǵan. Bul 11,9 paıyzǵa nemese 1 mln. 555 myń 956 adamǵa kóp.

«Munyń barlyǵy jańa marshrýttardy engizý, tıimdi emes marshrýttardy ońtaılandyrý, uzaq jolǵa saparlaıtyn poıyzdardyń joldaǵy ýaqytyn azaıtý, kóptegen baǵyttarda quramdar kestesin arttyrý, jyljymaly quramdy jańartý, jol júrý bıletterin satýdyń elektrondyq formalaryn engizý jáne qyzmet kórsetýdi jaqsartý boıynsha atqarylǵan ózge de sharalardyń arqasynda múmkin boldy», - dep atap ótti kompanııanyń baspasóz qyzmetinen.