Qazaqstanda temir jol bıletiniń tarıfi ózgeredi

ASTANA. QazAqparat - QR Investıtsııalar jáne damý mınıstrligi aldaǵy jyly birqatar baǵyttar boıynsha temirjol bıletteriniń baǵasy josparly túrde kóteriletini jóninde habarlady.

Bul ózgeris tasymaldaýshylar shyǵyndarynyń ósýine baılanysty jáne marshrýttardy saqtap qalý maqsatynda jasalyp otyr. Tarıfterdi túzetý kútiletin ınflıatsııa sheginen asyp ketpeıdi. Osylaısha, 38 baǵyt boıynsha bılet baǵasy 7%-ǵa, 3 baǵyt boıynsha 3%-ǵa ósedi, dep kútilýde. Al, 16 baǵyttyń bılet qunynda ózgeris bolmaıdy, dep habarlaıdy mınıstrliktiń baspasóz qyzmeti.

Bul birneshe tasymaldaýshynyń konkýrsqa bergen ótinimderine baılanysty jasalyp otyr. Al, tasymaldaýshy osy baǵyttar boıynsha kiristiń azaıyp qalý táýekelderine jaýapty bolady.

Qala mańyna júretin poıyzdardyń tarıf ósimi 37%-dy quraıdy. Bul qala mańyndaǵy poıyzdarda jolaýshylardy tasymaldaýdaǵy bazalyq stavkalardyń ulǵaıýyna baılanysty.

Mysaly, qala mańyndaǵy poıyzdardyń burynǵy bazalyq baǵasy 100 shaqyrymǵa 324 teńge edi. Al, avtokólik joldarynda bul baǵa 3-4 ese joǵary bolatyn.

Qala mańyndaǵy tasymal shyǵynyn azaıtý maqsatynda bazalyq stavka 30% -ǵa artyp, baǵasy 100 shaqyrymǵa 464 teńge bolady. Osylaısha, áleýmettik mańyzy bar baǵyttardaǵy jolaýshylar tasymaly tıimdiligin arttyrýǵa múmkindik beredi.