Qazaqstanda temir jol arqyly jolaýshylar, júk pen qoljúkti tasymaldaýǵa qatysty jańa ereje kúshine enedi
Bul týraly QR IDM baspasóz qyzmeti habarlady.
Jolaýshylardy tasymaldaýdyń jańa erejesine sáıkes, jolaýshylar poıyzynda júk pen qoljúk týraly aqparattar mindetti túrde Mýltımedııalyq quraldar arqyly jetkiziletin bolady. Aıtalyq, poıyz baǵytynyń kestesi týraly aqparatpen qamtamasyz etý, poıyzdyń baǵdar boıynsha toqtaý beketteri týraly, qyzmet kórsetý, jolaýshylar poıyzyndaǵy negizgi jaǵdaılar týraly, oıyn-saýyq baǵdarlamalaryn bilip otyrý qamtamasyz etiledi.
Sonymen qatar, atalmysh qurylǵylarda qyzmet kórsetýshi men jolaýshynyń mindetteri týraly aqparattar qoljetimdi bolady. Onda qyzmet kórsetý sapasy týraly pikirler men usynystardy jazyp qaldyrýǵa múmkindik bar.
Sondaı-aq, atalmysh Erejege sáıkes, jol júrý qujattaryn (bıletterdi) satatyn ınternet-resýrstarda poıyzdyń sapasy týraly, vagondardyń qaı jyly shyqqany jóninde, ár vagonda aýa baptaǵysh júıesiniń jaıy, poıyzdyń sanaty týraly, jolaýshylar poıyzynda qoǵamdyq tamaqtaný ornynyń bolýy, júk vagonynyń bar-joǵy, vagonnyń ishki jaǵdaıy (fotomaterıal arqyly), qosymsha qyzmetterdiń kórsetilýi týraly tolyq aqparat beriletin bolady.
Osyǵan baılanysty ár jolaýshy bılet satyp almas buryn poıyzdyń sapalyq deńgeıine mán berip, aldyn ala poıyz jaıynda aqparat ala alady.
Atalmysh fýnktsıonal epay.railways.kz saıtyndaǵy «sıpattama» dep atalatyn qosymshada bar.
