Qazaqstanda temekiniń baǵasy edáýir qymbattaıdy
ASTANA. QazAqparat - QR Qarjy mınıstrligi 2015 jyldyń 1 qańtarynan bastap temekiniń bir qoraby úshin eń tómengi baǵany 200 teńgeden kem qylmaýdy usynyp otyr, dep jazady 24.kz.
Halyqty áleýmettik zııandy taýarlardy tutynýdan saqtaý úshin temeki jáne alkogol ónimderine aktsızderdiń mólsherlemelerin arttyrý kerektigi jóninde kópten aıtylyp kele jatqan edi. Bul arnaıy joba 2016 jyly kúshine enýi tıis. Sonyń ishinde temeki ónimderiniń aktsız mólsherlemesin de edáýir kóbeıtý kózdelýde.
Qoldanystaǵy QR Salyq kodeksinde bıylǵy jyly 1000 dana temekige salynatyn aktsızder ólshemin 1550 teńgeden 3000 teńgege deıin ulǵaıtý qolǵa alynýda. Jańa zań nusqasyna saı, 2015 jyldan 1000 dana temekige 3 myńnan 3900 teńgege deıin, 2016 jyly 3900-den 5 myń teńgege deıin ósirý nıeti ornyqtyrylady. Sonymen birge fıltrli temekiniń jyl saıynǵy aktsızdi ósimi 30%-dy quraıdy. 2013 jyldyń 31 qańtaryndaǵy fıltrli bir qorap temeki baǵasy 130 teńge bolsa, 2014 jyldyń birinshi qańtarynda 150 teńgege ósken.
