Qazaqstanda temekini balalarǵa satatyn oryndardy anyqtaý boıynsha reıdter júrgizilýde
«Aılyq aıasynda elimizdiń barlyq óńirlerinde temeki buıymdaryn kámeletke tolmaǵan tulǵalarǵa satatyn oryndardy anyqtaýǵa arnalǵan reıdter; medıtsınalyq-sanıtarııalyq alǵashqy kómek (MSAK), uıymdarynda medıtsınalyq jáne áleýmettik qyzmetkerlerge, psıhologtarǵa arnalǵan semınar-trenıngter; MSAK uıymdarynda, narkodıspanserlerde jáne stýdenttik emhanalarda narkolog-dárigerler, áleýmettik qyzmetkerler jáne psıhologtar keńes beretin ashyq esik kúnderi; temeki tartý problemalary boıynsha dóńgelek ústelder men debattar ótkiziledi», dep atap ótilgen QR Densaýlyq saqtaý jáne áleýmettik damý mınıstrligi málimetinde. 2014 jyly Qazaqstanda temeki tartý týraly eresek turǵyndar arasynda Global Adult Tobacco Survey (GATS) ǵalamdyq saýalnamasy júrgizildi. Zertteýdiń negizgi nátıjeleri qoǵamdyq densaýlyqty nyǵaıtý jáne temeki tútininen turǵyndardy qorǵaý jónindegi memlekettik saıasatty qalyptastyrý barysynda eskeriledi. Temeki tartý - densaýlyqqa zııan keltiretin eleýli qaýipterdiń biri. Jyl saıyn álemde 5 mıllıonnan astam temeki tartýshylar men buryn shekkender qaıtys bolyp, temeki tútininiń zııanynan 600 myńnan asa temeki tartpaıtyn adam kóz jumady. Árbir 6 sekýnd saıyn temekiden 1 adam qaıtys bolady, bul - eresek adamdar arasyndaǵy árbir onynshy ólim.