Qazaqstanda temeki shegetinder kóp pe
ASTANA. QazAqparat - 2013 jyly Qazaqstanda temeki aktsızderi kóterile bastady. Sonyń nátıjesinde temeki shegetin azamattardyń sany azaıdy, dep xabarlaıdy QazAqparat tilshisi.
"Bizdiń málimetimizge sáıkes, Qazaqstanda temeki shegetinderdiń sany 8 protsentke tómendedi. Endi, taǵy xalyqaralyq málimetter de bar. Onda 4 protsent dep kórsetedi. Degenmen, eń bastysy, oń tendentsııa baıqalyp otyr. Búginde Qazaqstanda ortasha eseppen 4 mıllıon adam temeki shegedi", - deıdi Temekige qarsy koalıtsııanyń múshesi Jámılıa Sadyqova.
Onyń aıtýynsha, temeki shegetinderdiń sany azaıǵannan keıin osy saladaǵy óndiristiń kólemi 20 protsetke qysqardy. "Negizi, bunyń barlyǵy aktsızdiń áseri ǵana emes. Qoǵamdyq jerlerdi temeki shegýge tyıym salý, temeki páshkelerine qorqynyshty sýretterdi salý jáne taǵy basqa sharalar da oń nátıjesin berdi. Degenmen, aktsızdi arttyrý, ıaǵnı salyqty kóbeıtýdiń áseri qatty. Sebebi temekiniń baǵasy kóteriledi", - dep atap kórsetti J.Sadyqova.
Aıta keteıik, ótken jyly Qazaqstanda temeki aktsızderi 1000 danaǵa 6,2 myń teńgege deıin kóterilgen bolatyn. Bıyl taǵy 7,5 myń teńgege deıin ósti. Kelesi jyly atalǵan salyq 8,7 myń teńgege jetýi tıis. Aldaǵy ýaqytta temeki aktsızderiniń qunyn kórshi Reseıdiń deńgeıine deıin kóterý kózdelip otyr. Al salyqtyń mólsheri artsa, baǵa da kóteriledi. QazAqparat tilshisine suxbat bergen sarapshylar temeki baǵasynyń qalaısha ózgeretinin aıtyp berdi. Budan bólek, dúken sórelerinen temeki ónimderin múldem alyp tastaýy múmkin.
