Qazaqstanda temeki qymbattaıdy
ASTANA. QazAqparat - Qazaqstanda bir qorap temekiniń eń tómengi bólshek saýda baǵasy 2018 jyly - 340 teńge, al 2019 jyldyń 1 qańtarynan bastap - 380 teńge bolady, dep habarlaıdy «QazAqparat» HAA tilshisi.
Bıyl 25 qyrkúıekte QR Premer-mınıstri Baqytjan Saǵyntaev QR Úkimetiniń №587 «Qazaqstan Respýblıkasy Úkimetiniń 2007 jylǵy 4 sáýirdegi № 260 «Súzgimen, súzgisiz jáne papıros sıgaretteriniń eń tómengi bólshek baǵalaryn belgileý týraly» qaýlysyna ózgerister men tolyqtyrýlar engizý týraly» qaýlysyn bekitti.
Osy qujatqa sáıkes, Qazaqstanda temekilerdiń eń tómengi bólshek saýda baǵasy mynadaı: 2017 jyldyń 31 jeltoqsanyn qosa alǵanda 320 teńge; 2018 jyldyń 1 qańtarynan 30 maýsymyna deıin 340 teńge, 2018 jyldyń 1 shildesinen 31 jeltoqsanyna deıin 360 teńge; 2019 jyldyń 1 qańtarynan bastap 380 teńgeni quraıdy.
Qaýly resmı jarııalanǵan kúnnen bastap kúntizbelik on kún ishinde qoldanysqa enedi.
