Qazaqstanda temeki qymbattady
NUR-SULTAN. QazAqparat – Qazaqstanda 2020 jyldyń sáýir aıynyń qorytyndysy boıynsha bir aı ishinde temeki ónimderiniń baǵasy 0,7%-ǵa, jylyna 12%-ǵa qymbattady, dep habarlaıdy QazAqparat ranking.kz resýrsyna silteme jasap.
Fıltrli temekilerdiń de baǵasy ósken. Ósý qarqyndylyǵy, ásirese, Shyǵys Qazaqstan (3,2%-ǵa), Pavlodar (2,5%) jáne Jambyl oblystarynda (2,1%-ǵa) baıqalǵan.
Aıta ketsek, Qazaqstanda shylym shegýge qarsy kúres júrip jatyr. Májilis «Halyq densaýlyǵy men densaýlyq saqtaý júıesi» Kodeksine ózgeris engizý týraly usynysty ekinshi oqylymda maquldady. Temeki ónimderin satýǵa bolatyn jas 18-den 21-ge kóterildi.
Fıltrli temekiniń bir qoraby QR qalalarynda 2020 jyldyń sáýiriniń sońynda shamamen 465 teńge bolǵan, bul 2019 jyldyń sáýirimen salystyrǵanda 12,4%-ǵa qymbat.
Sáýirde fıltrli temeki, ásirese, Semeıde qymbattaǵan: 6%-ǵa, bir qoraby 478 teńge. Odan keıingi orynda Pavlodar (2,7%-ǵa, 454 teńgege deıin) men Taraz (2,4%-ǵa, 471 teńgege deıin) tur.
QR iri qalalary men megapolısterinde fıltrli temekiniń eń joǵary baǵasy Qostanaıda (490 tg), Aqtóbede (488 tg) jáne Nur-Sultanda (485 tg) tirkeldi; eń tómengi baǵa Petropavl (439 tg), Qyzylorda (444 tg) jáne Almatyda (447 tg).
