Qazaqstanda temeki ónimderiniń baǵasy ózgerýi múmkin

ASTANA. KAZINFORM - QR Qarjy mınıstrligi buıryq jobasyn jarııalady. Onda temeki túrleriniń barlyǵynyń baǵasy ósetini jarııalanǵan.

Qujat «Ashyq NQA» portalynda ornalastyrylǵan, al qoǵamdyq talqylaý 19 maýsymǵa deıin jalǵasady.

Baǵa ózgerisi kelesi ónim túrlerine qatysty bolady: súzgisi bar jáne súzgisiz temekiler, papırostar, sıgarıllalar, qyzdyrylatyn temeki ónimderi.

Qujatta kórsetilgendeı, bul ózgerister salyq jáne baǵa saıasatyn tıimdi júrgizýge, sondaı-aq qoǵam densaýlyǵyn jaqsartýǵa baǵyttalǵan, naqtyraq aıtqanda — temeki tutynýdy qysqartý maqsatynda qolǵa alynǵan.

Joba mazmunymen tanysyp, pikir qaldyrý úshin «Ashyq NQA» saıtyna kirińiz.

Osyǵan deıin elimizde shylym shegetinder azaıyp, veıp pen elektrondy temekige áýestenýshiler sany artqany týraly jazdyq.