Qazaqstanda telekommýnıkatsııalyq qyzmetter naryǵy 619 mlrd teńgeden asty - D. Abaev
Mınıstr búginde elimiz osy salany damytýǵa aıryqsha nazar aýdaryp otyrǵanyn aıta kele, osy rette 21 ǵasyrda memlekettiń básekege qabilettiligi kóbinese tehnologııalyq ilgerileý deńgeıine baılanysty ekenin, «Aqparattyq Qazaqstan» memlekettik baǵdarlamasyn júzege asyrý jyldarynda bul baǵytta eleýli jetistikterge qol jetkizilgenin atap ótti. Halyqty mobıldik baılanyspen, keń jolaqty ınternetke qoljetimdilikpen, sandyq efırlik habar taratýmen keńinen qamtý qamtamasyz etildi.
«Búginde telekommýnıkatsııalyq qyzmetter naryǵy mańyzdy sektorlardyń biri bolyp otyr, sondaı-aq ekonomıkanyń kóptegen salalary úshin aıryqsha mańyzdylyqqa ıe. Onyń kólemi 619 mlrd teńgeden asty. Osy baǵytta keńinen qatysýy, iske asyrylyp otyrǵan jobalar men oryndalǵan maqsattar turǵysynda «Qazaqtelekom» salanyń flagmany bolyp tabylady», - dedi D. Abaev.
«Kompanııa jumysynyń ashyqtyǵy ustanymdaryn saqtaý qajettigin atap ótkim keledi. Óz kezeginde Mınıstrlik ókiletti organ retinde naryqtyń barlyq qatysýshylaryna teńdeı múmkindikter úshin jaǵdaıdy qura otyryp, salany damytýdy ary qaraı da yntalandyrady», - dep atap ótti mınıstr.
