Qazaqstanda Telegram messendjerinen aqaý shyqty
ASTANA.KAZINFORM — Qazaqstandyq paıdalanýshylar Telegram jelisindegi aqaý týraly habarlady. Detector404 monıtorıng qyzmetiniń dereginshe, aqaý eldiń ártúrli aımaǵynda tirkelgen.
Jelidegi aqaýǵa 85 myńǵa jýyq paıdalanýshy shaǵymdanǵan. Sońǵy bir saǵat ishinde eń kóp shaǵym Astanadan tústi — 30%. Sondaı-aq, Qaraǵandy oblysy (11%), Pavlodar oblysy (9%), Almaty (9%) jáne Qostanaı oblysynyń (9%) turǵyndary jelidegi qıyndyq týraly habarlady.
— Qazirgi ýaqytta Telegram messendjeriniń qoljetimsizdigine baılanysty paıdalanýshylardan jekelegen shaǵymdar túsip jatyr. Tehnıkalyq mamandar jaǵdaıdy anyqtap jatyr, — delingen Jasandy ıntellekt jáne tsıfrlyq damý mınıstrliginiń resmı jaýabynda.
Ásirese qurylǵylardyń 42,7%-y iOS, 35,1%-y Android, 17,1%-y Windows jáne 4,2%-y Mac OS X júıelerinde tirkelgen.
Paıdalanýshylar habarlamalardy jibere almaıtynyna jáne qabyldaı almaıtynyna, medıa faıldardy júkteı almaıtynyna jáne keıbir jaǵdaılarda qoldanbanyń ashylmaıtyndyǵyna shaǵymdandy. Aqaýlyqtyń shyǵý sebebi ázirge belgisiz.
Osyǵan uqsas Telegram jelisindegi úzilis buǵan deıin 2026 jyldyń naýryz aıynda búkil álemde tirkelgen bolatyn.
Buǵan deıin Pavel Dýrov Telegram-nyń App Store-dan óshirilýine qatysty pikir bildirgen bolatyn.
