Qazaqstanda teledıdarǵa qaraǵanda ınternetti paıdalaný úlesi basym
ASTANA. QazAqparat - Qazaqstanda teledıdarǵa qaraǵanda ınternetti paıdalaný úlesi basymyraq. Bul týraly búgin Astanada«Qazaqtelekom: ınnovatsııalar strategııasy» forýmy barysynda «Qazaqtelekom» AQ Basqarma tóraǵasy Qýanyshbek Esekeev málim etti.
«Biz barshamyz telekommýnıkatsııa qyzmetterin paıdalanýshy bolyp tabylamyz. Qazirgi kezde statıstıka boıynsha ortasha úı sharýashylyǵy ınternetpen salystarǵanda teledıdardy azdaý qosyp júr. Eger de teledıdardy aptasyna ortasha alǵanda 5 saǵat kórse, ınternette otyratyn ýaqyt 12 saǵattan asyp túsedi»,-dedi Q. Esekeev.
Aıta keteıik, «Qazaqtelekomnyń» ınternetke belgilengen keń jolaqty jelisimen qosylǵan abonentteriniń úlesi 1,5 mıllıonnan astam, bul óz kezeginde naryqtyń 75 paıyzy.
