Qazaqstanda teleradıo arnalar jumysy birneshe saǵatqa toqtatylady
ALMATY. KAZINFORM – Elimizdegi telearnalar men radıonyń jumysy bir kúnge toqtaıdy.
«Qazteleradıo» AQ teleradıo habarlaryn taratýdyń úzdiksiz ári sapaly bolýyn qamtamasyz etý maqsatynda toqsan saıyn jerseriktik, tsıfrlyq jáne analogti efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar júrgizedi.
«Osyǵan baılanysty, bıyl 21 qarasha aıynda saǵat 03:00 men 17:00 aralyǵynda (Astana ýaqytymen) teleradıo habarlaryn taratýdy óshire otyryp, profılaktıkalyq jumystar júrgiziletinin habarlaımyz. Osyǵan baılanysty, ıaǵnı jumystar júrgizilgen kezde Qazaqstannyń barlyq aýmaǵynda teleradıoarnalardy retranslıatsııalaý ýaqytsha toqtatylady», — delingen habarlamada.
«Qazteleradıo» AQ ýaqytsha qolaısyzdyqtar úshin keshirim suraıdy.
