Qazaqstanda tele-radıohabar taratý ýaqytsha toqtatyldy
NUR-SULTAN. QazAqparat – Búgin, 15 qańtarda profılaktıkalyq jumysqa baılanysty Qazaqstanda tele-radıohabar taratý ýaqytsha toqtatylady, dep habarlaıdy QazAqparat «Qazteleradıo» kompanııasy saıtyna silteme jasap.
«2020 jylǵy 15 qańtarda saǵat 03:00-den 17:00-ge deıin jerseriktik, tsıfrlyq jáne analogty efırlik jelilerdiń tehnıkalyq quraldaryndaǵy servıster jabylyp, josparly-profılaktıkalyq jumystar júrgiziledi. Osyǵan baılanysty, ıaǵnı jumystar júrgizilgen kezde Qazaqstannyń barlyq aýmaǵynda teleradıoarnalardy retranslıatsııalaý ýaqytsha toqtatylady», delingen habarlamada.
«Qazteleradıo» AQ toqsan saıyn jerseriktik jáne efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar júrgizedi.
«Bul jumys teleradıo habarlaryn sapaly taratýdy qamtamasyz etý úshin qajet, al toqsan saıynǵy josparly-profılaktıkalyq jumystar servısti uzaq ýaqyt óshirýge múmkindik beredi, sondyqtan osy ýaqyt ishinde tehnıkalyq quraldardy jańǵyrtý boıynsha qosymsha jumystar da júzege asyrylady. Ýaqytsha qolaısyzdyqtar úshin keshirim ótinemiz», delingen habarlamada.
