Qazaqstanda tek 50 ýnıversıtet qana qalady - mınıstr B. Jumaǵulov
ASTANA. 15 sáýir. QazAqparat /Arman Asqarov/ - Búginde ǵylymı-zertteý ýnıversıtetteri men ınstıtýttardyń róli artyp keledi. Osyǵan oraı qazirgi kezde arnaıy jumystar atqarylyp, aldaǵy ýaqytta 20 ýnıversıtetke ınnovatsııalyq dáreje berý kózdelip otyr.
Bul týraly búgin ǵylym kúni qarsańynda ótken merekelik jıynda QR Bilim jáne ǵylym mınıstri Baqytjan Jumaǵulov málim etti.
Onyń habarlaýynsha, qazirdiń ózinde mınıstrlik osy másele boıynsha jumys istep, joǵary oqý oryndarynyń daıyndyǵyna qaraı Qazaqstanda tek 50 ýnıversıtetti ǵana qaldyrýdy josparlap otyr. «Bizdiń oıymyzsha, 34 akademııa jáne 20-ǵa jýyq ınstıtýt bolmaq», - dep atap kórsetti mınıstr.
