Qazaqstanda Tehnologııalyq damý jónindegi ulttyq agenttik qurylmaq
ASTANA. 18 sáýir. QazAqparat /Jasulan Amanbaıuly/ - Qazaqstanda «Tehnologııalyq damý jónindegi ulttyq agenttik» AQ qurýǵa qajetti barlyq resmı rásimder aǵymdaǵy jyldyń qyrkúıek aıynda aıaqtalady.
Bul týraly búgin «BNews.kz» portalynda bolǵan baspasóz máslıhatynda «Ulttyq ınnovatsııalyq qor» aktsıonerlik qoǵamynyń basqarma tóraǵasy Aıdyn Kúlseıitov málim etti.
2010 jyly QR Úkimeti Qazaqstanda 2010-2014 jyldarǵa arnalǵan ınnovatsııalyq damý jáne tehnologııalyq jańǵyrtýdy qoldaý baǵdarlamasy qabyldandy. Onyń sheńberinde elde «Tehnologııalyq damý jónindegi ulttyq agenttik» AQ qurý josparlanǵan bolatyn. Ol respýblıkada ınnovatsııalyq damý úderisterin úılestiretin jáne osy salaǵa memlekettik qoldaý kórsetetin jalǵyz operator bolady dep mejelenýde.
«Bul kásiporyn «Ulttyq ınnovatsııalyq qor» aktsıonerlik qoǵamynyń jáne onyń enshiles kompanııasy - «Injınırıng jáne tehnologııalar transferti ortalyǵy» AQ bazasynda qurylady. Qazirgi ýaqytta resmı máseleler, aktsııalar, múlikter, aktıvter naqtylanyp jatyr. Іs júzinde biz atalmysh agenttik esebinde jumys atqarýdamyz, al barlyq resmı protsedýralar, menińshe qyrkúıek aıynda aıaqtalýy tıis»,-dedi A. Kúlseıitov.
