Qazaqstanda tehnoqala ashylady – mınıstr

ASTANA. KAZINFORM – Elimizde tehnoqala salynady. Bul týraly Premer-Mınıstrdiń orynbasary – Ulttyq ekonomıka mınıstri Serik Jumanǵarın málim etti. 

– Ázirge qupııa. Qazir biz jobasyn daıyndap jatyrmyz. Shet jaǵasyn estidińiz. Memleket basshysy Qasym-Jomart Toqaev tehnoqala ashý týraly aıtqan bolatyn. Onyń ishinde ne bolatynyn, ózge de qosymsha aqparattardy Úkimet jaqynda jarııalaıdy, - dep qysqa qaıyrdy Serik Jumanǵarın Kazinform agenttiginiń BIZDIÑ ORTA podkastyna bergen suhbatynda.

Aıta keteıik, 9 sáýirde Májilis Salyq kodeksiniń jańa jobasyn birinshi oqylymda maquldady.

Salyq kodeksiniń jańa jobasy boıynsha salyq esebin tapsyratyndar sany 30 paıyzǵa qysqarady.

Eske salsaq, qosylǵan qun salyǵy salynatyn aınalymnyń tómengi shegi 40 mln teńge bolady.

Sondaı-aq Serik Jumanǵarın korporatıvtik tabys salyǵynyń mólsherlemesi ósetin salalardy atady.