Qazaqstanda tehnıkalyq jáne kásiptik bilim berý uıymdaryna oqýǵa túsý kezinde múgedek balalar úshin 0,5 paıyzdyq qabyldaý kvotasy belgilengen

Búgin 2012-2018 jyldarǵa arnalǵan múgedekterdiń ómir sapasyn jaqsartý jáne quqyqtaryn qamtamasyz etý boıynsha is-sharalar josparynyń birinshi kezeńiniń júzege asyrylýy qarastyrylǵan Úkimet otyrysynda QR Bilim jáne ǵylym mınıstri Baqytjan Jumaǵulov osylaı málim etti.

Onyń atap ótýinshe, tehnıkalyq jáne kásiptik bilim berý uıymdarynda 1650 múgedek bala bilim alýda. Qazirgi ýaqytta kásiptik-tehnıkalyq bilim berý uıymdarynda damý múmkindigi shekteýli balalardy oqytý jeńil kásipter boıynsha júrgiziledi.

«Múgedekterdi qoldaý maqsatynda joǵary oqý ornyna qabyldaý kezinde memlekettik tapsyrystyń 1 paıyzy kóleminde qabyldaý kvotasy qarastyrylǵan.

Buǵan deıin bul kvota 0,5 paıyzdy quraǵan», - dedi B.Jumaǵulov.

Mınıstrdiń atap ótýinshe, 2012-2013 oqý jylynda 273 múgedekke, onyń ishinde kvota sheginde 204 adamǵa bilim berý granty taǵaıyndaldy. Sonymen qatar, joǵary oqý ornynda bilim alatyn múgedekter joǵary stıpendııa alady.