Qazaqstanda tehnıkalyq jáne kásiptik bilim berý salasynda basqarýdyń jańa úlgisi jasalýda - B.Jumaǵulov
TANA. 6 qyrkúıek. QazAqparat /Aıdar Ospanalıev/ - Qazaqstanda tehnıkalyq jáne kásiptik bilim berý salasynda basqarýdyń jańa úlgisi jasalýda. Bul týraly búgin Astanada ótip jatqan «Táýelsizdikke 20 jyl: Qazaqstan Respýblıkasyndaǵy adam kapıtalyn damytýdyń sapasy men bolashaǵy» atty halyqaralyq konferentsııa barysynda Bilim jáne ǵylym mınıstri Baqytjan Jumaǵulov aıtty.
Onyń sózine qaraǵanda, sonymen qatar osy ýaqytta jumys berýshiler men ınvestorlardyń qatysýymen ulttyq keńes, salalyq keńester men óńirlik keńester qurylýda. Dúnıejúzilik bankpen birlesip, eńbek naryǵynyń qajettilikterine jaýap beretin kásiptik standarttar ázirlenýde. «Mundaı standarttar bizde bolǵan emes. Buǵan qosa elde «Kásipqor» holdıngi qurylýda. Buǵan da mindetti túrde bıznestiń qatysýymen bilim berý uıymdaryn basqarýdyń korporatıvti úlgisi engiziledi. Atalmysh sharalar búgingi jıynǵa qatysýshylardy qyzyqtyrmaı qoımaıdy degen oıdamyn»,-dedi mınıstr.
