Qazaqstanda tehnıkalyq mamandyqtarǵa 12,5 myńnan astam grant bólindi - QR BǴM
ASTANA. QazAqparat - 2016 jyly joǵary bilimi bar mamandardy daıarlaýǵa memlekettik tapsyrys 31 702 grantty qurady, dep habarlaıdy QR Bilim jáne ǵylym mınıstrligi.
«Aǵymdaǵy jyly joǵary bilimi bar mamandardy daıarlaýǵa memlekettik tapsyrys 31 702 grantty, onyń ishinde syrttaı bólimde 300 grantty, joǵary oqý oryndarynyń daıyndyq bólimine - 2500 oryndy, joǵary oqý oryndarynyń daıyndyq bólimderinde tildik daıyndyq deńgeıin arttyrý úshin - 450 oryndy quraıdy», - delingen QR BǴM habarlamasynda.
Memlekettik tapsyrys kelesideı bólindi: pedagogıkalyq mamandyqtarǵa - 5000, gýmanıtarlyq ǵylymdar - 700, quqyq - 100, óner - 170, áleýmettik ǵylymdar - 700, jaratylystaný ǵylymdary - 1470, tehnıkalyq ǵylymdar jáne tehnologııalar - 12593, áskerı is jáne qaýipsizdik - 60, medıtsınalyq mamandyqtar - 3000, aýyl sharýashylyǵy jáne veterınarııa - 2690.
Mınıstrliktiń málimetinshe, magıstratýrada mamandar daıarlaýǵa arnalǵan memlekettik tapsyrys 7429 oryndy, onyń ishinde beıindi magıstratýraǵa 3000 oryndy quraıdy.
PhD doktorantýradaǵy memlekettik tapsyrys 628 birlikti quraıdy, onyń ishinde 43 oryn Nazarbaev Ýnıversıtetine bólingen.
«Memlekettik tapsyrystyń jalpy kóleminen 3 162 grant «Máńgilik el jastary-ındýstrııaǵa!» (Serpin-2050) baǵdarlamasy boıynsha, onyń ishinde 1000 grant - pedagogıkalyq, 1717 - tehnıkalyq, 345 - aýyl sharýashylyǵy jáne 100 oryn medıtsınalyq mamandyqtarǵa qarastyrylǵan», - dep naqtylady QR BǴM-de.
Memlekettik tapsyrys aıasynda qabyldaý úshin Nazarbaev Ýnıversıtetine (700), A.ıAssaýı atyndaǵy Halyqaralyq qazaq-túrik ýnıversıtetine (200), M. Lomonosov atyndaǵy Máskeý memlekettik ýnıversıtetiniń Qazaqstandyq fılıalyna (125), Máskeý avıatsııalyq ınstıtýtynyń «Voshod» fılılalyna (45), Halyqaralyq aqparattyq tehnologııalar ýnıversıtetine (500), Qarjy akademııasyna (50) jáne Qazaq-Brıtan tehnıkalyq ýnıversıtetine (200) maqsatty oryndar bólingen.
Vedomstvoda eske túsirgendeı, keshendi testileýge qatysý úshin ótinishterdi qabyldaý 112 joǵary oqý ornynyń bazasynda 20 maýsym men 9 shilde aralyǵynda júrgiziledi. Barlyq joǵary oqý oryndarynda qabyldaý komıssııasy jumys júrgizýde. Talapkerlerdiń keshendi testileýi 44 joǵary oqý oryndarynyń bazasynda 17-23 shilde aralyǵynda ótkiziledi.
Búgingi kúni Joǵary bilimniń bilim berý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalaryna ózgerister men tolyqtyrýlar engizilýde.
Jekeleı alǵanda, UBT men keshendi testileýdi qaıta tapsyrý, sonymen qatar kúndizgi oqý nysany boıynsha birinshi akademııalyq kezeń aıaqtalǵanǵa deıingi merzimge qaıta UBT men keshendi testileýden ótpegen tulǵalardy qabyldaý múmkindigi boıynsha normalardy engizý kózdelgen.
Shekti baldy almaǵan UBT men keshendi testileýdiń qatysýshylary úshin, sondaı-aq UBT men keshendi testileýge qatyspaǵan adamdar úshin jáne UBT men keshendi testileý nátıjeleri joıylǵan qatysýshylar úshin joǵary oqý ornyna aqyly negizde qabyldaý úshin UBT men keshendi testileý qaıta ótkiziledi.
Qaıta testileýge qatysý úshin qujattardy qabyldaý joǵary oqý oryndarynda 1-8 tamyz aralyǵynda, qaıta UBT men keshendi testileý 19-24 tamyz aralyǵynda ótkiziledi.
Qaıta testileýge qatysý úshin oqýǵa túsýshi joǵary oqý ornynyń qabyldaý komıssııasyna belgilengen úlgidegi blankide ótinish (link is external), jalpy orta (orta jalpy) nemese tehnıkalyq jáne kásiptik (bastaýysh nemese orta kásiptik, orta bilimnen keıingi) bilimi týraly qujat (túpnusqa), testileýdi ótkizý úshin aqy tólegeni týraly túbirtek, 3x4 kólemindegi eki fotosýret, 086-Ý nysanyndaǵy medıtsınalyq anyqtama (link is external), jeke basyn kýálandyratyn qujattyń kóshirmesin, sondaı-aq UBT nemese keshendi testileý sertıfıkatyn (bar bolsa) tapsyrady.
Ulttyq joǵary oqý oryndaryna aqyly oqýǵa testileý nátıjeleri boıynsha keminde 70 ball, al «Bilim berý», «Aýyl sharýashylyǵy ǵylymdary» jáne «Veterınarııa» mamandyqtarynyń toptary boıynsha keminde 60 ball, basqa joǵary oqý oryndaryna keminde 50 ball, al «Jalpy medıtsına» mamandyǵy boıynsha keminde 65 ball jınaǵan UBT-dan ótken jalpy orta bilim berý uıymdaryn aǵymdaǵy jyly bitirýshiler, keshendi testileýge qatysýshylar qabyldanady.
Al shekti ball kelesi pánder boıynsha baldy: memlekettik nemese orys tilinen (oqý tili), Qazaqstan tarıhy, matematıka jáne tańdaý páninen, onyń ishinde beıindi pánnen keminde 7 ball (árbir shyǵarmashylyq emtıhan boıynsha keminde 10 ball), al qalǵan pánderden keminde 4 baldy qamtıdy.
