Qazaqstanda tehnıkalyq baıqaý júrgizýge ruqsat beretin ýákiletti organ anyqtaldy
ASTANA. KAZINFORM – Elimizde tehnıkalyq baıqaý operatorlarynyń qyzmetine ekinshi sanattaǵy ruqsattar berýge ýákiletti organ aıqyndaldy. Bul týraly qaýly jobasy «Ashyq NQA» portalynda jarııalandy.
«Qazaqstan Respýblıkasynyń Kólik mınıstrligi tehnıkalyq baıqaý operatorlarynyń qyzmetine ekinshi sanattaǵy ruqsattar berýge ýákiletti organ bolyp belgilensin», - delingen qujatta.
Joba 2024 jylǵy 3 qazanda qabyldanǵan kólik quraldarynyń jekelegen túrleriniń qozǵalysyn uıymdastyrý jáne jol qaýipsizdigin tsıfrlandyrý máseleleri boıynsha «Jol qozǵalysy týraly» zań sheńberinde ázirlendi.
Qaýly 2025 jylǵy 5 sáýirden bastap qoldanysqa engiziledi, al 18 qarashaǵa deıin jurtshylyq talqysyna usynylyp otyr.
Aıta keteıik, qyrkúıekte avtokólikti tehnıkalyq baıqaýdan ótkizý sapasyn tıimdi baqylaýdyń jańa tetikteri ázirlenetini týraly habarlaǵan edik.
Sondaı-aq, bizdiń agenttik el óńirlerinde avtokólikti tehnıkalyq baıqaýdan ótkizý baǵasyna sholý jasaǵan edi.
