Qazaqstanda tegin medıtsınalyq kómek sheńberinde 2017 jylǵa arnalǵan dárilik zattardyń tizimi bekitildi
Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy №557
2016 jylǵy 24 maýsym, Astana qalasy
2017 jylǵa arnalǵan Biryńǵaı dıstrıbıýtordan satyp alynatyn tegin medıtsınalyq kómektiń kepildik berilgen kóleminiń sheńberinde dárilik zattardyń, medıtsınalyq maqsattaǵy buıymdardyń tizimin bekitý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 68) tarmaqshasyna sáıkes buıyramyn:
1. Osy buıryqqa qosymshaǵa sáıkes 2017 jylǵa arnalǵan Biryńǵaı dıstrıbıýtordan satyp alynatyn tegin medıtsınalyq kómektiń kepildik berilgen kóleminiń sheńberinde dárilik zattardyń, medıtsınalyq maqsattaǵy buıymdardyń tizimi bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medıtsınalyq jáne farmatsevtıkalyq qyzmetti baqylaý komıteti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) qol qoıylǵan kúninen bastap bes jumys kúni ishinde memlekettik jáne orys tilderinde bir danada baspa jáne elektrondyq túrde Qazaqstan Respýblıkasynyń normatıvtik quqyqtyq aktileriniń Etalondyq baqylaý bankine qosý úshin «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
3) osy buıryqty memlekettik tirkelgennen keıin onyń kóshirmesin kúntizbelik on kún ishinde merzimdi baspa basylymdarynda jáne «Ádilet» quqyqtyq-aqparat júıesinde resmı jarııalaýǵa jiberýdi;
4) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
5) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2), 3) jáne 4) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıtse-mınıstri A.V. Tsoıǵa júktelsin.
4. Osy buıryq memlekettik tirkelgen kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA