Qazaqstanda tegin medıtsınalyq kómek mindetti saqtandyrýsyz da kórsetile beredi

ASTANA. QazAqparat - Kepildi tegin medıtsınalyq kómektiń keıbir túrleri elimizde mindette áleýmettik medıtsınalyq saqtandyrýsyz qoljetimdi bolady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Densaýlyq saqtaý jáne áleýmettik damý vıtse-mınıstri Eljan Birtanov málimdedi.

«Mindetti medıtsınalyq saqtandyrý engizilgennen keıin de biz kepildendirilgen tegin medıtsınalyq kómektiń kólemin saqtaımyz, ıaǵnı bul turǵyda medıtsınalyq saqtandyrýǵa qaramastan, tıisti qyzmetter memleket tarapynan tólenetin bolady. Osy oraıda birinshi kezekte jedel medıtsınalyq kómek, ınfektsııalyq aýrýlardyń ımýnnoprofılatıkasy, sondaı-aq týberkýlez, psıhıatrııa jáne basqa da áleýmettik mańyzdy dertter qamtylǵan. Atap aıtqanda, memleket kez kelgen jaǵdaıda óziniń azamattaryna kepildik berip, mindetti túrde emdeıtin aýralar qarastyrylǵan»,-dedi ol.

E. Birtanovtyń aıtýynsha, qalǵan medıtsınalyq qyzmetter qosymsha mindetti áleýmettik medıtsınalyq saqtandyrý paketin qalyptastyrady.

«Kúndelikti medıtsınalyq qyzmetter, ıaǵnı alǵashqy medıtsınalyq-sanıtarlyq kómek, mamandardyń keńesi, dıagnostıkalyq qyzmetter, statsıonarlyq kómek, joǵary tehnologııalyq qyzmetter eskerilip otyr. Sonymen qatar osyǵan saýyqtyrý, pallıatıvtik kómek, qosymsha dárilik qamtamasyz etý kiretin bolady. Osy qyzmetter endi mindetti áleýmettik medıtsınalyq saqtandyrý paketine kiredi»,-dedi vıtse-mınıstr.

Osy oraıda ol kepildi tegin medıtsınalyq kómektiń kólemin memleket tóıleıtinin, al medıtsınalyq saqtandyrý aıasyndaǵy qyzmetterdi arnaıy Mindetti áleýmettik medıtsınalyq saqtandyrý qory óteıtinin atap ótti.

«Bul qor bıyl qurylyp, 2017 jyldyń 1 qańtarynan iske qosylady. Oǵan jarnalar túsetin bolady. 2017 jyldyń 1 shildesinen qor medıtsınalyq qyzmetterdiń tólemshisi róline kirisedi jáne osy qyzmetterdi tóleıdi. Osy oraıda bul qyzmetter atalǵan paket aıasynda azamattarǵa kórsetiledi»,-dedi ol.