Qazaqstanda tazy men tóbet kúni atalyp ótedi
ASTANA. KAZINFORM – Elimizde tazy jáne tóbet kúnin merekeleý usynyldy. Bul týraly «Ashyq NQA» portalynda buıryq jarııalandy.
Ekologııa jáne tabıǵı resýrstar mınıstrligi Qazaqstan Respýblıkasyndaǵy merekelik kúnderdiń tizbesin bekitý týraly» Qazaqstan Respýblıkasy Úkimetiniń 2017 jylǵy 31 qazandaǵy №689 qaýlysyna tolyqtyrý engizdi. Oǵan sáıkes, 3 qyrkúıek – qazaqy ıt tuqymdarynyń kúni atap ótý usynylyp otyr.
- Qazaq ıt tuqymdary kúnin belgileý qazaq halqynyń ulttyq mádenı murasyna, tarıhy men dástúrlerine degen qyzyǵýshylyqty arttyrýda mańyzdy qadam bola alady. Bul kúnge arnalǵan is-sharalar etnografııa men Qazaqstan mádenıetine qyzyǵýshylyq tanytatyn týrısterdiń nazaryn aýdarar edi. Sonymen qatar, kınologııa jáne oǵan jaqyn salalardyń damýy jańa jumys oryndaryn qurýǵa jáne salyq túsimderin arttyrýǵa múmkindik beredi, bul ekonomıkalyq ósý men áleýmettik turaqtylyqqa yqpal etedi, - delingen buıryqta.
Qaýly alǵashqy resmı jarııalanǵan kúninen keıin qoldanysqa engiziledi. Atalǵan joba 17 aqpanǵa deıin qoǵamdyq talqylaýǵa shyǵaryldy.
Eske sala keteıik, elimizde qazaq tazysy patent aldy.
Eske sala ketsek, Memleket basshysy Qasym-Jomart Toqaev 2022 jyly Prezıdenttiń Іs Basqarmasyna jeti qazynanyń biri – qazaqy tazy men tóbet tuqymdaryn saqtaý jumysyn qolǵa alýdy tapsyrǵan edi.
Sondaı-aq byltyr qazaqstandyq ǵalymdar tazynyń genetıkalyq qurylymyn zerttep, erekshe tuqym ekenin anyqtady.