Qazaqstanda táýliktik munaı óndirý kólemi artty
«Munaı jáne gaz aqparattyq-taldaý ortalyǵy» AQ baspasóz qyzmetiniń málimetine qaraǵanda, ótken aptanyń qorytyndysyna sáıkes, elimizde gaz óndirý kólemi de 17,6 paıyzǵa ósken. Bul kórsetkish táýligine 122,5 mln. tekshe metr gazdy qurady. «Sońǵy táýlikterde ónim óndirý kóleminiń artýy barlyq derlik óndirýshi kompanııalarda belgilendi», - delingen baspasóz baıanynda.
Sonymen qatar, keltirilgen derekterge qaraǵanda 2016 jyldyń qyrkúıek aıynda Qazaqstannan eksporttalǵan munaı ónimderiniń jalpy kólemi 453,8 myń tonnany qurady. Bul kórsetkish aǵymdaǵy jylǵy tamyz aıyna qaraǵanda 1,8 paıyzǵa tómen. Sondaı-aq, qyrkúıek aıynda elimizden eksporttalǵan mazýt 9,6 paıyzǵa azaıǵan. Kerisinshe, suıytylǵan gaz eksporty 16,3 paıyzǵa joǵarylady.
«Aıta keteıik, Qashaǵan ken ornynan óndirilgen eksporttyq munaıdyń alǵashqy partııasy Kaspıı qubyr jelisi konsortsıýmynyń júıesine 14 qazannan bastap jetkizile bastady. Budan bólek, «QazTransOıl» AQ qubyr jelisi júıesine 18,8 myń tonna eksporttyq munaı quıylǵan. Al «IntergazOrtalyqAzııa» AQ magıstraldyq júıesine 22,8 mln. tekshe metr taýarly gaz baǵyttaldy», - dep jazylǵan baspasóz habarlmasynda.
