Qazaqstanda táýlik saıyn myńnan astam sábı dúnıege keledi - QR DSÁDM
ASTANA. QazAqparat - Qazaqstanda táýlik saıyn myńnan astam sábı dúnıege keledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik damý mınıstrligi Medıtsınalyq kómekti uıymdastyrý departamentiniń dırektory Maǵrıpa Embergenova málim etti.
«Bizdiń elimizde kún saıyn 1 myńnan astam, al jylyna 400 myńǵa jýyq sábı dúnıege keledi. Bul qýanarlyq jaıt. Óıtkeni, demografııalyq ahýal oń sanalady. Týý kórsetkishiniń ósimi aıasynda ólim-jitim tómendep otyr», - dedi departament basshysy.
Onyń sózine qaraǵanda, sońǵy 1 jyldyń ishinde elimizde bala týý kórsetkishi 25 paıyzǵa ósti. Buǵan qosa, shala týǵan balalardyń ómirge beıimdelý kórsetkishi de jyldan-jylǵa artyp keledi. «Eger 5 jyldyń ishinde salmaǵy 1500 grammdyq sábılerdiń tiri qalý kórsetkishi 30 paıyz bolsa, búginde bul kórsetkish 60 paıyzdy qurap otyr. 2008 jyly shala týǵan balalardyń tek 40 paıyzy ǵana tiri qalatyn», - dedi M.Embergenova. Departament dırektorynyń aıtýynsha, elimizde shala týǵan sábılerdiń alǵashqy 7 kúnniń ishinde shetineý kórsetkishi de 2,5 esege tómendegen. «Bul eń úzdik kórsetkish. ıAǵnı, biz sábılerdi qorǵaı alamyz, baǵyp-kúte alamyz. Nátıjesinde bizde ana ólimi - 3 esege, sábılerdiń shetineýi - 1,6 esege qysqardy», - dedi ol.
