Qazaqstanda táýlik boıy jumys isteıtin alǵashqy «Post-24» poshta bólimi ashyldy

Keıin osyndaı poshta bólimderin eldiń basqa da oblys ortalyqtarynda ashý josparlanýda.

«Bul bólim eldegi betke ustar poshta bólimi bolyp tabylady. Ol poshtalyq, banktik quraldarmen, adamdardyń kezekte turý jáne operatorlardyń jumys sapasyn baǵalaýdyń elektrondy júıesimen jabdyqtalǵan. Jańa formattaǵy atalmysh poshta bólimi jahandyq poshta jelisine yqpaldasýǵa múmkindik beretin «Qazposhta» AQ-nyń poshtalyq jelilerdi jańǵyrtý júıesiniń aıasynda quryldy», - deıdi «Qazposhta» AQ basqarma tóraǵasy Arken Arystanov.

«Klıentterge táýlik boıy qyzmet kórsetetin birinshi «Post-24» aımaǵy poshtalyq jáne qarjylyq qyzmetterdi kórsetedi, 30-ǵa jýyq mınıstrlikke, vedomstvolarǵa, memlekettik holdıngterge, ulttyq kompanııalarǵa jáne  50 myńnan astam elorda turǵyndaryna qyzmet etetin bolady», - dep atap ótti ol.

Poshta bólimniń ashylýyna QR Parlamentiniń depýtattary, «Nur Otan» HDP-niń, «Samuryq-Qazyna» UÁQ-nyń, QR-daǵy dıplomatııalyq mıssııa men Astana ákimdiginiń ókilderi qatysty.