Qazaqstanda táýligine bir mıllıonǵa jýyq maska shyǵarylady
NUR-SULTAN. QazAqparat – Elimizde shyǵarylatyn medıtsınalyq maskanyń 70%-yn tigin fabrıkalary, al 30%-yn farmatsevtıkalyq kompanııalar tigýde. Bul týraly Habar24 arnasynda ótken onlaın brıfıngte QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.
«Qazir elimizde bir kúnde mıllıonǵa jýyq maska shyǵarylýda. Onyń 70% – tigin fabrıkalary, 30% – farmatsevtıkalyq kompanııalar tigýde. Ádeıi alypsatarlyq áreketter jasalmasa, maska tapshylyǵy bolmaýy kerek. Oǵan elimizde óndiris qýat tolyqtaı jetedi», - dedi mınıstr.
