Qazaqstanda táýligine 64 myń PTR-test jasalmaq

NUR-SULTAN. QazAqparat – Qazaqstanda táýligine 64 myń PTR-test jasalatyn bolady. Bul týraly QR Densaýlyq saqtaý mınıstrliginiń resmı ókili Baǵdat Qojahmetov aıtty, dep habarlaıdy QazAqparat tilshisi.

«Qazirgi ýaqytta COVID-19-ǵa PTR-synaq ádisimen 2,5 mln-nan astam zerthanalyq zertteý jasaldy. Onyń ishinde eń kóbi Almatyda, Nur-Sultanda, Atyraý, Qaraǵandy, Shyǵys Qazaqstan oblystarynda júrgizildi. Vırýstyń jańa tolqynyna qarsy zerthanalardyń qýattylyǵy táýligine 64 myń synaqqa deıin arttyrylady», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, osy jyldyń sońyna deıin elimizdiń 11 oblys ortalyǵynda 2,5 myń tósek-orynǵa arnalǵan 12 modýldik juqpaly aýrýlar aýrýhanasy salynyp, paıdalanýǵa beriletindigi josparlanǵan. Buǵan qosa Óskemen men Taraz qalasyndaǵy jedel járdem qyzmetteriniń bos turǵan ǵımarattary statsıonarǵa beıimdeledi. Osylaısha elimizdiń 14 oblysynda aýrýhana jumysyn bastaıtyn bolady.