Qazaqstanda Táýelsizdik esimdi jalǵyz jasóspirim bar
ASTANA.KAZINFORM — Qazaqstanda Táýelsizdik esimin ıelengen jalǵyz azamat bar. Ol — Jetisý oblysy Panfılov aýdany Kóktal aýylynyń turǵyny, 9-synyp oqýshysy Táýelsizdik Batyrbekuly.
Táýelsizdiktiń aıtýynsha, onyń týǵan kúni 1 jeltoqsanǵa sáıkes keledi. Al erekshe esimdi ákesi el táýelsizdigine degen qurmet belgisi retinde qoıǵan.
— Esimimdi ákem táýelsizdikke baılanysty qoıdy. Qazaqstan táýelsizdigi ońaı kelgen joq, ony qystyń yzǵarynda aldyq. Sondyqtan bul esim men úshin úlken jaýapkershilik. Úıde meni «Táýel» nemese «Tımosh» dep erkeletedi. Alǵashynda bári tańǵalady, keıin úırenip ketedi. Óz esimim ózime unaıdy, eshkimge táýeldi bolmaı, erkin júr degen maǵynada túsinemin, — deıdi ol Jibek Joly telearnasyndaǵy «Bugin LIVE» baǵdarlamasynda.
Qazir Táýelsizdik Batyrbekuly 9-synypta bilim alyp júr. Bolashaqta zańger bolýdy armandaıdy. Onyń aıtýynsha, el tarıhy men memlekettiń qalyptasý joly mamandyq tańdaýyna áser etken.
Otbasynda anasy men baýyrlary bar. Ol eki qaryndasy men bir inisiniń bar ekenin aıtty. Ákesiniń bala esimin qoıý dástúri jalǵasyp kele jatqanyn da atap ótti.
— Búgin, 16 jeltoqsanda taǵy bir baýyrym dúnıege kelýi múmkin. Qaryndasym Aısha bıbi, inim Táýekel dep atalady, — dedi Táýelsizdik.
Aıta keteıik, Astanada Táýelsizdik merekesi kúni 18 sábı dúnıege keldi.