Qazaqstanda Táýelsizdik jyldarynda 6 mıllıonnan astam adam dúnıege keldi
ASTANA. 13 jeltoqsan. QazAqparat - Táýelsizdik jyldarynda Qazaqstanda 6 mıllıonnan astam adam dúnıege keldi. Bul týraly búgin QR Statıstıka agenttiginiń tóraǵasy Álıhan Smaıylov málim etti.
«Táýelsizdik jyldarynda elimizde 6 mıllıonnan astam adam dúnıege keldi jáne tabıǵı ósim 3 mıllıonǵa jýyq boldy», - dedi ol.
Á.Smaıylovtyń atap ótýinshe, el Táýelsizdiginiń alǵashqy 8 jylynda, myń adamǵa 14,6 adamǵa deıin týý tómendegen. Al odan keıingi jyldary onyń birte-birte artýy baıqalǵan. 2012 jyldyń 10 aıynda týýdyń jalpy koeffıtsıenti 1000 adamǵa 23,1-di quraǵan. 1995-1996 jyldary ólim-jitim koeffıtsıenti 1000 adamǵa shaqqanda 10,7-ni qurap, eń joǵary shegine jetken. 1997 jyldan bastap ólim-jitim birte-birte tómendep, aǵymdaǵy jyldyń 10 aıynda onyń jalpy koffıtsıenti myń adamǵa 8,6-ny quraǵan.
