Qazaqstanda táýelsizdik jyldary bilim berýdiń ulttyq modeli qalyptasty - QR Bilim jáne ǵylym mınıstri
LMATY. Aqpannyń 11-i. QazAqparat /Erlik Erjanuly/ - Qazaqstanda táýelsizdik jyldary bilim berýdiń jańa normatıvtik-quqyqtyq bazaǵa negizdelgen ulttyq modeli qalyptasty.
Ony Bilim jáne ǵylym mınıstri Janseıit Túımebaev búgin Almatyda óz jumysyn bastaǵan "Jańa aqparattyq-kommýnıkatsııalyq ortada qazirgi zaman oqýlyǵyn daıyndaýdyń jáne oqý kitabyn basyp shyǵarýdyń ózekti máseleleri" dep atalatyn halyqaralyq ǵylymı-tájirıbelik konferentsııada aıtty, dep habarlaıdy QazAqparat.
"Táýelsizdik jyldary tehnıkalyq salalarda, ásirese oqýlyqtar jazýda úlken tájirıbe jınaqtadyq. Keńestik kezeńde mektep salasyndaǵy jaratylystaný baǵytyndaǵy oqýlyqtardyń barlyǵy Máskeýde daıyndalatyn. Negizinen qazaq tili, qazaq ádebıeti, Qazaqstan tarıhy sııaqty pánderden ǵana oqýlyqtar jazyp keldik. Táýelsizdik alǵannan keıingi kezeńde úlken mindet júktelindi. Osy kezeńde kóptegen qıyndyqtarǵa kezdestik. Tarıh úshin 17-18 jyl kóp ýaqyt emes. Osy kezeńde bizdiń avtorlarymyz, ǵalymdarymyz, ustazdarmyz birigip jańa turpatty oqýlyqtar jazýǵa, túrli salalar boıynsha oqýlyqtar daıyndaýǵa belsene atsalysty", deıdi Janseıit Túımebaev. Árıne, osy qysqa ýaqyttyń ishinde tolyqqandy, jan-jaqty oqýlyqtar shyǵarý ońaı emes. Bilim jáne ǵylym mınıstrliginde qoǵamdyq pikir men baspasózdegi synǵa sáıkes oqýlyq shyǵarýdyń tártibi, mazmuny men oǵan saraptama jasaý máseleleri qatty qadaǵalanýda.
